Stæ pe ese portæ inta nêuva Intrâ

http://www.francobampi.it/zena/index.html

Se lezéi ancón sta nòtta chi sciacæ in sciâ conesció chi de d'âto

Se voei savei cöse gh'é chì drento, andae a veddive
TÛTTE E PAGINE DO SCITO

Amixi: chì se parla e se scrive SOLO in ZENEISE!

Doî bomboin
Decàlogo da lengua zeneize
A professia de Santa Brigida

Ve conseggio de dâ 'n'euggiâ a-a rivista ZENA (chì gh'é o numero de ottobre dexembre 1958): 'na leccaia! tûtta in zeneise!

A cuixitæ: zeneise ò ligure?

E zà che ghe sei, lezeive a discûscion in sciö cartello ZENA

Cianzi, cäo scheuggio Campann-a,
l'angonia te l'han sunnä.
E t'ae sfiddòu l'ira pisann-a
t'ae sfiddòu l'ira do mâ!
[a canson intrega]

Canson popolare

Marinetta patella de scheuggio
anche a ti comm'a o scheuggio Campann-a
l'angonia a t'é staeta sunnä!...
[a poexia intrega]

Doardin Firpo

O scheuggio Campann-a, dïto coscì da-a gente pe-a seu forma, o se erzeiva da-o mâ propio sotta a scainâ de Sant'Antogno. O stava lì, chi ou sa da quanti secoli, davanti a quelli grendi erchi che segnan a foxe do Rivo Torbido.

Verso a fin do milleuttoçento son incomensae i travaggi pe-a costrussion da stradda intitolä a-o Prinçipe Oddon (ancheu ciammä Corso Maurizio Quadrio ò, con ûn'ätra parolla, Circovallassion a mâ). Vedde oua a stradda ch'a vegniva avanti pä de vedde ûn mostro ch'o se o veu mangiâ. Coscì l'é successo: o scheuggio Campann-a o l'é sparïo, coverto da-e prie e da-o zetto che gh'han cacciòu addosso pe fâ a neuva stradda in sciä riva do mâ zeneise.

Pe rendive conto de quante l'é cangiòu o posto dove gh'ëa o scheuggio Campann-a, ammiae ûn pö chì (gh'é da aspëtâ do-tréi segondi perché se careghe o programmin). S'ei visto quello che v'ho appenn-a indicòu, allôa poei accapî perché devo dî ûn grande grassie a-o Poulo Micai pe o seu mäveggioso scito, da dove ho piggiòu l'animassion de primma.

I zeneixi ghe voeivan ben, a-o scheuggio Campann-a, ma o progresso (de longo lê!) o l'ha segnòu a seu fin.

Femmo che no segge coscì pe-a nostra lengua,

o Zeneise!

E demmose da fâ de moddo che no sûcceda a Zena quello che o Luigi Anselmi o l'aveiva descrïto in to 1958 pensando a 'na Zena do 1992 e, foscia, o no l'aveiva visto guaei mä.

Se vaddo pe mâ o tûrco o me piggia,
se vaddo pe taera o sardo o m'ammassa.

Antigo dïto de Cadasetta

Notta. Se vixin a 'na parolla gh'é a balletta allôa andandoghe addosso co-a freccia do "mouse" se peu lëze a tradussion in italian de quella parolla.