|
LiguriaItaliaEuropa n. 4, 5 marzo 2002 E la Madonna divenne regina della Repubblica di Genova
Se ve fisci attrovae a Zena o 25 de marzo do 1637 fòscia aviesci avûo quarche difficoltae a intrâ in ta Cattedrale de San Loenso. Zà, perché in San Loenso, insemme a-o Dûxe Gio. Françesco Brignole, ascistïo da-i duî Collegi, e a- o cardinâ Gio. Menego Spinola, gh'ëa tûtta Zena. Ûn gran invexendo: ma a çeimonia a l'ëa solenne. Ma per cöse tûtto sto sciato? Ben, inte quello giorno a Repûbblica de Zena a l'ha incoronòu seu reginn-a a Madonna, moae do Segnô. Sta chì a l'ëa a solûssion attrovä da-i Zeneixi quande a Repûbblica a l'ha avûo beseugno de 'n re pe poei avei i maeximi diritti di re e ëse riçevûa co-i maeximi onoî. Scibben che questa cösa ancheu a posse fa rïe, questi onoî ëan davvei importanti perché in zeugo gh'ëa a difeisa da pinn-a sovranitae de Zena, allôa contrastä da-e preteise dell'Impero e da-e rivalitae di ätri Stati, specialmente quelli do resto d'Italia. Zena a l'é sempre staeta devota a Maria Vergine; e i Zeneixi non s'ëan ascordae che 'na dëxenn-a de anni primma, in to 1625, a Madonna a l'aveiva aggiuttae a guägnâ contra i Savoia, comme o n'arregorda o Santuäio da Vittöia in sci Zuvi. In San Loenso i Zeneixi han offerto a-a Madonna o scettro, a coronn-a régia e e ciave da Çittae. L'han missa in scë monaee co-a scrïta Et Rege Eos, a-o posto de Conradus Rex, che deuviavan da-o 1139 quande Corrado II o gh'aiva concesso de batte monaea. Han quindi stabilïo che a coronn-a régia a foise missa anche de d'äto a-o stemma da Repûbblica e che o Dûxe, in te occaxion solenni, o dovesse mettise o manto e a coronn-a reale. Se dixe che o pappa e l'imperatô no seggian staeti guaei disposti a riconosce a
Repûbblica de Zena comme ûn regno. Se dixe ascì che i Zeneixi, pe arrivâ a 'na
solûssion, aggian seguïo o conseggio de ‘n nostro antigo proverbio, l'é mëgio
onze che dozze.(1)
(1) Letteralmente: è meglio ungere che dodici. Il gioco sta nel fatto che onze vuol dire ungere mentre ûnze vuol dire undici. Ecco il paradosso: è meglio undici di dodici, il più piccolo rispetto al più grande, se undici vuol dire ungere! [ Inderrê ] |
E aggian tiòu feua ûn pö
de dinae pe scistemâ e cöse. Coscì, quande pe no ëse segondi a-i re – liätri che a-i
re ghe prestavan ûn mûggio de palanche – i Zeneixi han avûo beseugno de 'n sovran,
no voendone ûn de questa Taera, n'han piggiòu ûnn-a addreitûa da-o Çê! E, visto comme
a va ancheu, gh'é propio da sperâ che a Madonna, da bonn-a reginn-a di seu figgi
zeneixi, a continue a protezze Zena.