|
LiguriaItaliaEuropa n. 2, 10 settembre 2001 Abbiamo chiesto al professore "genovese" Franco Bampi, di curare una piccola rubrica di Tradizione Ligure. A partire da questo numero troverete spunti sul tema pubblicati in dialetto con la traduzione in italiano.
E tradissioin, e varie lengue da Ligûria, a toponomastica, o tiatro, e cansoin, e poexie, e casasse e i ötöi, son ûn tesciûo vivo da nostra taera, a memöia de 'n passòu ch'o no veu passâ, ch'o sciorte de longo da-i recanti do cheu. In sci questi temi a Region Ligûria a l'ha faeto, in to 1990, a lezze n. 32 intitolä «Norme per lo studio la tutela la valorizzazione e l'uso sociale di alcune categorie di beni culturali e in particolare dei dialetti e delle tradizioni popolari della Liguria». Scibben che pagge strano, questa lezze a no l'é mai staeta finanziä! Con 'na senscibilitae da apprexâ pe-e nostre reixe de Ligûri, o Presidente da Region, Biasotti, o l'ha deciso de fâ funzionâ sta lezze. O l'ha nominòu Vito Elio Petrucci, Massimo Morini e mi in to conseggio scientifico (in to quae gh'é ascì i professoî Vittorio Coletti, Carlo Maccagni e Massimo Quaini, nominae da-o Rettô dell’Universitae) e o l'ha tiòu feua, pe st'anno chì, çento milioin. Da 'n bello pö de meixi o conseggio o sta travaggiando pe mette in funsion a lezze. In ogni moddo, dotrae cöse beseugna che e digghe. Çento milioin son propio pochi! Ad exempio, i Sardi, ma i Friulen ascì, spendan pe queste cöse ciû de 6 miliardi l'anno! O parrià ûn controsenso, ma a Region Sardegna a finansia anche o zeneise daeto che a tûtela o "tabarchin", 'n'antiga parlâ de Pëgi ch'a vegne ancon deuviä a Carloforte e Cadasedda, vixin a Cagliari. E poi a lezze a l'é staeta troppo tempo in ta cantia: a sa de relento. Beseugna dâse da fâ pe cangiâla, pe arrivâ a 'n tèsto ch’o ne permetta pe 'n davvei de valorizzâ e dâ neuva vitta a-a cultûa da nostra gente, reixe da nostra taera de Ligûria. Scignoria! P.S. Se voei saveine de ciû in sce questa lezze e in sce quelle de ätre regioin andae all'addresso http://www.francobampi.it/zeneise/lezze.htm [ Inderrê ] |
