Originale in genovese
A-o l'è stæta, Rattazzi, ûnna sciortïa
d'attaccâne a Lûsciandra
cõmme se porriæ fâ con ûnna mandra
ch'a se manda in sà e in là secõndo a gïa
Ti t'ë lasciòu invescigâ de balle,
se no ti no streppavi
a Zena o Leme con Voltaggio e Gavi,
nè Rigorõso e Arquà, nè Serravalle,
Nêuve, Parodi, Goä co-i sò marcheixi,
a Borbëa da-e Vignêue scinn-a a Cabella;
ma chi o l'è quella lingua de sciarbella
chi à dïto ch'èn mandrogni e no zeneixi?
Oua vegniä a regiõn: scialla Manena!
ma armeno o contentin
che a Ligûria a ritõrne in ti confin
de l'antiga Repûbbrica de Zena!
Comûni, paisettin, bõrghi, çittæ,
se ciamman tûtti «ligûre», perdïe!
no ï aviàn miga battezzæ pe rïe,
che o titolo o rispõnde a ûnna realtæ.
Ligûri tûtti, e figgi d'ûnna tæra
ricca de gran, frûta, polenta e vin,
che da-a ciann-a a rimõnta l'Appennin
pe chinâ in mëzo a-e oìve a-o mâ ch'o-a særa.
Co-æ crõxe de San Zorzo in sciä bandëa,
cö Grifõn prõnto a fâ pagâ e offeise,
oh tæra beneixïa, tæra zeneise!
te voemmo ûnïa, sempre ciû bûlla e fëa.
|
Traduzione in italiano
È stata, Rattazzi, un'uscita
d'attaccarci ad Alessandria
come si potrebbe fare con una mandria
che si manda in qua e in là secondo come gira!
Ti sei lasciato infinocchiare,
altrimenti non avresti strappato
a Genova il Lemme con Voltaggio e Gavi,
né Rigoroso e Arquata, né Serravalle,
Novi, Parodi, Ovada coi suoi marchesi,
la Borbera da Vignolo fino a Cabella;
ma chi è quella lingua di ciabatta
chi ha detto che sono mandrogni e non genovesi?
Ora verrà la regione: allegra Maddalena!
ma almeno il contentino
che la Liguria ritorni nei confini
dell'antica Repubblica di Genova!
Comuni, paesettini, borghi, città,
si chiamano tutti «ligure», per Giove!
non li avranno mica battezzati per ridere,
che il titolo risponde a una realtà.
Liguri tutti, e figli di una terra
ricca di grano, frutta, polenta e vino,
che dalla piana rimonta l'Appennino
per scendere in mezzo alle olive al mare che la chiude.
Con la croce di San Giorgio sulla bandiera,
col Grifone pronto a far pagare le offese,
oh terra benedetta, terra genovese!
ti vogliamo unita, sempre più eccellente e fiera.
|
