F: Alôa, Càrlo, cóntime in pö de cöse se dîva chi a Sàn Pê d’Ænn-a quànde quarchedùn o se metéiva a pigiâ in gîo i Sanpêdænìn.

C: Ti véddi, Frànco, intànto no- ascordâte che Sàn Pê d’Ænn-a, fìnn-a a-o mìlle neuveçénto vìnti sêi, a l’êa çitæ! Pe vantâse pöi, i çitadìn de chi dîvan che o ciù scémmo de Sàn Pê d’Ænn-a o séunna o violìn co-i pê! T’æ acapîo che ’na vòtta êmo tùtti ciù che méistri?

F: E òua?

C: Òua anco’ asæ che gh’é ancón in pòsto ciamòu Sàn Pê d’Ænn-a!