C: Scignorîa sciô profesô!

F: Ahime mi. Se t’incomìnsi con tùtti sti squæxi, ò za-acapîo che so’ aroinòu! Ben, vêua o göscio.

C: O Labæn o l’êa bón cómme o pàn, ma ’n pö stondâio. Un de quélli che ghe piaxéiva de ciù o lòu fæto che quéllo da fâ.

F: Insómma ’na schénn-a da violìn.

C: O Labæn o l’êa de spésso a tòrsio. Coscì a moæ un bèllo giórno a ghe dîxe: «Con tùtta a génte ch’a ghe travàggia ti poriêsci ti ascì andâ a fâ pìtta e pâla».

F: Pìtta e pâla? Magâra a voéiva dî pâla e pìcco!

C: Segûo! E o Labæn o l’à pigiòu a bàlla a-o bótto e o gh’a rispòsto: «Ti no t’ê mànco bónn-a a dîlo e t’eu che mi ségge bón a fâlo?»