In ta neutte scûa sensa lûnn-a
i mouxi, a cresta gianca,
pan tante bocche spalancae
ch'euggian addentâ i scheuggi.
S'erzan nûvie de scciûmma,
s'arriguelan prie
grosse e piccinn-e
in to bailamme.

All'ersise do sô,
comme un amante pentïo,
o l'é lì
ch'o perlecca a spiägia
squaexi a domandâ perdon
pe-a buriann-a da neutte.

E Zena bella,
accoegâ a-o sô,
a l'ammia o seu mâ.
E a rïe.

Carlo Tardito