O nonno o contava
'na neutte
un brûtto seunno.
No gh'ëa ciû a maenn-a
né spiägia.
No gh'ëa ciû o tranvai,
solo corriëre.
No gh'ëa ciû cavalli,
ma automobili a miggiae.
No gh'ëa ciû e lastre,
ma e stradde ëan lisce.
Se faxeiva fadiga a respiâ
da-o fûmme.
No gh'ëa ciû o spaghetto
pe arvî e porte,
ma porte de faero
con tante ciaveuie.
No se salutavimo ciû,
manco fra vexin.

Ma stamattin
me son adesciòu
e son rescioòu:
ancon d'assae
che no l'é vëa.

Carlo Tardito