Pe tanti anni,
Segnô,
me son portòu
appreuvo
questo fagotto
che ti m'ae daeto
quande son nasciûo.

O l'ëa squaexi ûn fastidio,
a vitta a corriva,
ho çercòu de demoame
sensa sentî
che ti me parlavi,
senza accorzime
che ti m'ascädavi
quande drento
gh'aiva freido,
ti me davi
da beive
quande drento
brûxavo da-a sae.

Oua me son
fermòu un momento
e ho pösòu
o fagotto in taera.
L'ho desgruppòu
e me so' accorto
d'avei portòu con mi
tûtto o to amô,
sensa mai addeuviâlo.

Oua son chì
a-i to pê
pe domandâte perdon.

Carlo Tardito