Ûn sciòu de vento
o leva 'n'onda piccinn-a
mentre nasce o sô.

Ûnna veia a se ninna
in te case
spëgiae in to mâ.

Barcoin scioïi s'affaccian
in scë tägnae de rae
steise a-o sô.

Cosci ti n'aspëti: Camoggi.

Tûtti i giorni scrovimmo
a semplice contentessa
de tò belle primmaveie
riservae solo a quelli che te çercan.

Chì gh'é a canson
da tò vitta dove de neutte
a lûnn-a e e stelle
fan cazze a sò lûxe.

Chì gh'é ûn "veliero"
pronto a sarpâ
carego de seunni.

Chi sa dipinze a veitae
o no perda questa occaxon
de scrovî tanta bellessa:
Camoggi o l'aspëta.

Elena Burgio