Föa da lunn-a
e de ûn cädo fogoâ,
sciòu do vento,
rûmescio do mâ.

Oudôo da Taera,
de l'Aegua e da sâ,
dôçe incontro
di monti co-o mâ.

Cae de pria
in sce-a collinn-a,
äia antiga
a neutte se avvixinn-a.

Torna i caccioei
dai boschi verso cà,
neutte pe-i pescoei
a-o freido in mëzo a-o mâ.

Mattinn-a de domenega,
a messa, peu a mangiâ.
Seiann-a de baldöia,
menestra e a ballâ

Strazetti in sce-a maenn-a
che strascian o cheu,
äia de ûn doman
respiâ in sce ûn meu.

Filippo Noceti