Cose gh'é de ciù umile de 'na prïa de mâ?

No se sà de donde a ne vegne, no se sà dove a l’andiâ a pösâse.

E onde ä rebellan de sà e de là, l'arriguëlan in sce l'aenn-a e ä rosiggian finn-a a fäla diventâ un risseu riondo e dûo.

Anche o nòstro cheu o l'è 'na prïa de mâ.

A vitta a l'è comme l'onda, che quande gh'è burrasca e n'ingheugge sensa remiscion; e alloa o cheu o s'arrensenisce e o se fa dûo comme 'na prïa.

Ma chi ö sa che un giorno i Angioëti no vegnian a regge i nostri cheu coscì arrensenïi, no ï portian sciù in Çê, no ï mettian belli in fila e con questi no formian un maestoso risseu davanti ä casa do Segnô?

Giovanni Murchio