Quande a luxe do giorno a s’asmòrta
in ta peixe leppegosa da neutte,
o nattellin ch’o nàvega
in sce due dïe d’eujo
o basta a rescceâ i recanti
do mae cheu ch’o cianze.

E alloa me sovven a memöia
di giorni passae in allegria
a camminâ descäso
in scî proei da speransa.

Ma e ciù vòtte l’eujo o se consumma
primma che vegne mattin,
e alloa o mae cheu o resta 
solo in to scûo.

Giovanni Murchio