Sott’a cädûa do sô de mëzo Agosto,
ho visto passâ a Procescion di Cristi.
Vegniva sciù i portuei con passo lento,
sûando drento e cappe de vellûo.

"Mira il tuo popolo, o bella Signora..."
sönnava i mûxicanti, con cadenza stanca.

Ammïlo questo pòpolo, Madonna,
anche lê o pòrta a cröxe,
ma no son frëxi d'ou, manco d'argento,
quelli che adòrna o segno da Pascion,
son scavenn-e appuntïe ciantae in ta carne,
ciù profonde a ogni passo.

E quande e gambe tremman pe a fadiga e o mâ,
no gh'é nisciûn da poei ciammäghe o cangio:
no l'é permisso fâ o stramûo...

Giovanni Murchio