Mescciûa

Ti stæ pe êse trasportòu inta pàgina nêuva
http://www.francobampi.it/zena/i_atri/mescciua.htm

Intrâ > ...e chi i âtri > Mescciûa
[ Inderrê ]

Tante votte s'attreuva de poexie in zeneise, ûnn-a chì, ûnn-a là, magara firmae con ûn nomiägio, e che l'é 'n peccòu no mette in sciä Rae. Pe questo ho imbastïo sta pagina.

	O Giasemin Rimme do Luigi Ferrando, dîto "o gi-go-tâ", cultô do zeneise visciûo a cavallo tra l'800 e o 900. A disceisa da Livellòu a Zena do Giasemin l'é staeta scrïta, ciû ò meno, in ti primmi duî ò trei anni do 1900. A trascrission da 'n manoscrïto o l'ha faeta o Sandro Patron, in to rispetto da parlâ originale. Sandro Patron o l'ha ascì cûròu 'na notta in sce l'autô Luigi Ferrando.
	A mëzaneutte in punto Questa filastrocca chì me a cantavan quande ëa piccinetto; mi, che saveiva parlâ a ïsa a ïsa, a ripeteiva in te 'n moddo tûtto mae.
	Corrî corrî zuenotti Questa poexia a l'é sciortïa, no so in sce quae giornale, quande i Bitle (The Baetles) han tegnûo o seu conçerto a Zena. L'ëa o 26 de zûgno do 1965 e mi, abbarlûgòu de liätri comme o loasso do çibbo, no solo so' anaeto a sentîli, ma ho anche conservòu i retaggi di giornali che ne parlavan. E tra i retaggi gh'ëa questa poexia.
	Poexia do mâ Tempo fa, 'n amigo o m'ha daeto o tèsto de questa poexia, che mi ho ciammòu "Poexia do mâ". No so de chi a segge, né quae o segge o seu vëo titolo: s'ou sei viätri, faemelo savei a mi ascì!
	Radiotelefonia Questa poexia, ûn pö de manëa ma co-o ritmo de 'n verso veloce, a l'é staeta pûbblicä in sce 'n vëgio Bollettin da Compagna: o nûmero 3 de l'anno I sciortïo o zûgno do 1928. A dà 'n'idea de comme a l'ëa vista quella novitae ch'a l'ëa a radio. No scordemmose che a primma trasmiscion a vegne datä a-i 24 de dexembre do 1906 pe opera do Reginal Fessenden, ma a primma stassion radio co trasmiscioin pe-o pûbblico a l'é do 1919, pe opera de 'n inzegnê da Westinghouse.
	Elogio de ûn amigo Ûn amigo o m'ha mandòu 'na connescion a sta poexia: lëzeila: a l’é cuiosa! E se gh’ei quarche indicassion de ciû faemela savei!
	L'artâ di Apostoli in San Loenso Sta poexia chì pä ch'a l'agge scoverta o Miscosi, no so dî in te quae pappelitti. A l'é cuiosa e va a penn-a de lezila. E notte son do maeximo Miscosi do quae metto in sciä Rae anche a seu presentassion: A cappella di Çibbo in to Dommo de San Loenso.