A casa gh'ho 'na sêuxöa rantegösa
o can o gatto, e moglie permalösa,
quattro figgêu piccin, cö pappagallo
e in sce a terrassa döi bibbin cö gallo
de dato gh'è o vexin ch'o sêunn-a o piano
de sotta döe che studian da soprano,
mae nessa ch'a l'impara o mandolin
e sêu papà o l'è meistro de clarin
immagginaeve comme me diverto
gh'è casa mae ch'a pâ ûn caffè concerto!

Così è mia cara zia,
ma' però a n'é ancon finïa!

Eppure l'âtra seia, nö sò in che moddö
doppö sciorbio sei coppettae de broddö
cö mâe çervello inverso a-o quintö stadio
ho piggiou sêunno con un programma radio,
e in seunno t'ho acciappôu quattro camixe
e a mae famiggia ho infiou in te döe valixe
coscì me son trovôu fra i passaggê
de l'areoplano ch'o fà servizio in Çe
saluando i vivi, e sempre andando avanti,
andava verso o regno di ciù tanti.

Cosi è mia cara zia,
ma' però a n'é ancon finia!

Voeivimo andà diretti in Paradiso,
anche o pilota l'ea dö nostro avviso
però ne s'e staccôu o tubö dell'êuio,
e n'e toccöu fa tappa a o Purgatêuio!
e in sce na curva sotta ao ciâeo da lûnn-a
se fa l'atterramento de fortûnn-a,
arriva quattro fulmini con un lampo
appenn-a l'areoplano o plana o campo,
S. Pê con a pippa sensa complimenti,
o sbraggia: Sciagurati penitenti.

Così è mia cara zia,
ma' però a n'e ancon finia!

S. Nicomede arria sunando o cornö
pe fane pagâ a tascia di soggiorno.
S. Timoteo ne dixe: Siete friti
diffiçile saià trovâ di sciti,
però risponde il S. Apollinare
per voi c'è ancor l'Albergo Popolare.
A pranso n'ha invitôu S. Casimirö
emmo mangiôu spaghetti cö bitirö
e un pan de casa, ch'o passava o killo
o l'e arrestôu in t'en dente a S. Cirillo!

Così è mia cara zia,
ma' però a n'é ancon finia!

All'indoman con S. Petronilla
se giôu pe o Purgatêuio con a Balilla
se nö voêi credde dilo a S. Egistö
è tutta verità quello ch'ho vistö,
te gh'ea un poeta de fama innegâ
lì in te 'na porta ch'ò fava o caigâ!
pittöi moderni ch'han lasciou de teie
formavan e squaddre adette a spazzà a neie!
Di mûxicisti e qualche intellettuale
curavan l'affisciôn municipale.
A riveder le stelle quindi uscimmo,
son andaeto in sce a ciammata e fava o primmo!

LUIGI ANSELMI