|
[ Indietro ]
Marzari nostalgico: l'antica "Sant'Agata"
la Repubblica
Domenica 3 febbraio 2008
Filastrocca in genovese
"FIERA di Sant'Agata", da Giuseppe Marzari
Pe' na vegia tradissiun / quand'arriva Sant' Agaa / u l'é tOttu On baraccun/
lungu a stradda e in sciu ciassą. / Ricurdę, cangiandu caza, / quante roba ch'ei
cacciou/ ammūggiaa oua a l'intaza / tūtti i banchi du mercou. / Tende vege repessę /
e curnixi scamurę, / d'e cassoule arrūzenie / rattaieu, candé, boxie, / ūn interu
assurtimentu / de vestii du setteēentu, / scarpe vege, uoze, ghette, / di scosę,
d'e piccagette, / maxinin, feri da stią,/ di balluin ancun da inscią, / ūnna
stoffa a gaz metanu,/ pappagalli de Muranu, / purpezzuei, canne, salai, /
pultruncinn-e, lampadai, / cose antighe, cose strambe, / scambeletti cun trę gambe, /
burse in pelle, portafeuggi, / d'e grattęnn-e e sensa beuggi, / ma stę attenti aa
vostra pelle, / merce in tęra, prexi ae stelle, / cunche, vazi, peteninn-e;/
pagliericci, letti e chinn-e, / lūmmi asmorti, paralūmmi, / di flacuin sensa prufūmmi, /
batterie, corni, trumbuin, / portavazi e ghirinduin, / stilli, sciabbre, baiunette, /
vegi scceuppi cue cannette, / vie, stacchette, daddi e cioi, / On cappellu da cui-boi, /
quarche brocca, pęte, tundi,/ 'na perrūcca de pei biundi, / di bansighi, fiuri finti, /
banse, quaddri, lauri, cinti, / quarche oxellu feua d'a gaggia, / o sedunque pin de
paggia, / tūttu questu puei truva / inscia fea de Sant' Agaa, / annę a vedde quande
vuei, / de duménnega o d'euvei, / nu stę a dģ: «Mi nu n'accattu», / ai dinę nu stę
attaccę,/ e ciū votte anche ūn ravattu / u peu avei ūn'ūtilitę. / Inte questu
campiunaiu / peu anche dase ch'attruę / ūn ricordu du messiau / o, magari, de seu muę./
Tra i raduni d'arte e sciense / e i cungressi a lietu fin / fra cuncerti e cunferense /
viva a fea di repessin!
[ Indietro ]
|