De moin missi in costa
'na striscia
a s'arrampinn-a
comme 'na biscia
pe ciû de 'n'altûa
da nostra çittae.
A gh'ha duî bòrdi
a-i fianchi
faeti de risseu
de solito gianchi.
I moin,
tra i sasci,
fan da passëa
a-o corridô
ch'o se desgheugge
fra due mûagie
che saeran, grixe,,
tant'äia de paxe.
E mentre ti monti
i larghi scalin
t'arriva a-e oegie
o scigoâ di oxellin.
Dall'erto de ûnna mûagia
te se sporze
in sciä testa
'na nuvia reuza
de ramme,
de fiori
e a profumma a creusa.

Antonio Fioravanti