Me vegnûo coae
de fâme ûn gosso
pe navegâ in to gran mâ.
Ûn gosso all'antiga,
de quelli in ûso
in sciä nostra battiggia
da-a Spezza a Vintimiggia.
O no l'é ûn sei metri
e manco o l'é de quattro,
ma chiggia, costiggieue,
fasciamme,
son tûtti de legno de piccepaine.
O l'ha e seu remme
lighae a-i scarmi,
o timon o l'ha a bära,
gh'en i banchi e o paggieu.
Pe mesciâlo
basta a man de 'n figgieu.
O gh'ha finn-a i tacchi
perché o l'é in taera.
Pösòu là in çimma, o mae gossin,
o l'ha pe giaea
o cian de 'n tavolin.

Antonio Fioravanti