Son chì e ôe fraoxae
a-o mae mestê,
quello no riconosciûo
anche se a tûtto o mondo
ciû d'ogni ätro
o l'é servïo.

Son chì e ôe fraoxae
minuto pe minuto
fra o boggî de 'na pûgnatta e l'ätra
tra fâ o letto e scrollâ
i lenseu zû do barcon
e 'na bûgâ lasciâ in to savon.

Son chì e ôe fraoxae
a-o mae seunno quande
gh'é ûn marotto d'asciste e da servî
e quande tûtti a dormî van
sollevae de savei che gh'é chi pensa
a-o da fâse pe o doman.

Son chì e ôe fraoxae
a-o mae mugugno
fastidioso ma de dovei,
pe tramandâ
se gh’è quarcösa ancon
che me pä ben.

Son chi quelle fraoxae
a-o mae pensâ
pe-i tanti torti riçevûi
voei scordâ...
e pe restâ ûn pö in compagnia
da mae vëa cäa amiga
ch'a l'é a poesia.

Giuse Casai