Tra 'na nûvea
d'aegua
ho visto ancheu
un can.

O camminava
rebellando 'na sampa
paeiva - sotto a quello delûvio
che o no savesse
donde andâ.

Sensa pensâghe
ho scigoòu
lê
o s'é fermòu
poi
o l'é vegnûo verso de mi
scrollando a côa
co-a testa bassa
in to sò cheu foscia
o sperava d'avei trovòu
'n amigo
e mi
me son vergognòu
no poeivo dâghe ninte
gh'ho faeto 'na caressa
e me ne son andaeto.

Da o canto
me son gïòu
lê fermo
o m'ammiava ancon
scrollando a côa.

Luigi Cornetto