In casa
o ciammavan Maxin
a gente John
perchè o l'ëa staeto in mâ.
Oua
o l'arrecheugge pappê
e o l'é solo,
Zena
comme a fa a votte
con i sò figgi
a gh'aveiva gïòu e spalle
e lê
o n'aveiva ciû attrovòu
ûn lòu
doppo o sbarco.
Però
quande con 'n sacco in spalla
o se sentiva ciammâ:
"A John"
pe 'n pittin
o se drissava comme 'na statua
in regordo de quande o l'ëa mainâ,
poi
o se cegava torna
comme 'na canna a-o vento,
ravattando
in ti bidoin de rûmenta.

Luigi Cornetto