'N OMMO CH'O SE CIAMMAVA COMBO

O l'ëa nasciûo
respiando l'äia de maen
o l'ëa cresciûo
e o l'aveiva faeto o battoso
corrindo pe-i caroggi.

A Zena o gh'ëa visciûo da zuveno
con tante emoscioin
çercando tra 'n porto e l'ätro
o motivo giûsto de vera ispirassion
pe poei arrivâ a-o momento
quande no ghe foisan ciû
ormezzi tanto forti
da tegnîlo imprexonòu.
Co-a frëve in te venn-e
o voeiva conosce tûtto do mistero
perché se existe solo pe navegâ
in sce tûtti i mâ
che a vitta a t'appresenta
pc poei coscì arrivâ all'attracco
donde i çê son averti
in scë caladde de tûtto o mondo.

O l'ëa 'n ommo ch'o se ciammava Combo
comme tanti ch'han visciûo
e comme tanti ätri che vivian.

Luigi Cornetto