|
GILBERTO GOVI È MORTOGilberto Govi, o l'êa nato a Mantova, dove gh'han finn-a dedicôu ûnn-a stradda: Via Gilberto Govi. NIENTE FIORI, NIENTE OPERE DI BENECalma, amixi! Niente fiori e niente opere di bene perchè, quello che l'é morto, o no l'é o Govi che pensê voiatri. Quello che pensê voiatri o l'é vivo e o sta ben; grazie! Almeno, quande o l'ha scrïto e o l'ha firmôu quest'articolo, o l'hea ancon vivo, e, tocchiamoci... un paio di chiavi, speriamo che, anche quande leziei quest'articolo, o se mesce ancon e... ben!
Però, ripeto che Gilberto Govi è morto. È mancato l'anno 1889. Chi era? Un maè antenâto: un illustre professô, Senatore del Regno, famoso fixico, insegnante ae cattedre de Turin, de Firenze, de Napoli e de Romma. O l'ha pubblicou ciù de 300 lavori, e o l'ha faeto costruì 14 istrumenti de so invenziôn. EBBEN?Qualcuno a questo punto dirà: Ebben? Scusê, l'hea solo per dîve perché me ciammo Gilberto. Se poi questo o nô v'interessa, giê pure a pagina, perché nemmeno a mi m'interessa che a quel «qualcuno» non interessi. Per quelli... (ciù intelligenti) che ghe fà piaxei e che gh'interessa, tiriamo avanti: SETTIMINOAl prof. Gilberto Govi, che stava in quel momento a Parigi, g'hêa arrivôu a notizia (improvvisa, perché mi son settimin) che, a Zêna, g'hêa nato un nevetto. Alla notizia, o professô, o telegrafa che o l'avieiva piaxei che a sto nevetto ghe fôse daeto o so nomme; ed ecco perchè a-o mondo gh'è ancon un che o se ciamma Gilberto Govi. LEVITE DE LÌ CHE ME GHE METTO MIAôa, però, bezêugna vedde se o professô (de lasciù) o l'é contento, o se, invece, ghe gia un pô o berettin! ...Eh scì, perchè, nella parte enciclopedica del «Melzi», o gh'êa lê, e me g'han misso anche mi; e finn-a a sto punto o professô Govi o no l'avieiva ninte da dî; ma, nella «Treccani», lê, no ghe l'han misso, e me g'han misso mi. A cosa, a mi a m'é dispiaxua, ma no ne posso ninte... no posso alloa che domandâghe scusa... Do resto, câo professô, se ti ti m'aè daeto o to nomme, l'êa perché mi o tegnisse validamente a galla, no? E alloa ti no doviesci tegnime i muri; tanto ciù che mi son ben orgoglioso de aveite tra i mè antenati, e te son grato do nomme: o me piaxe! UN MUNUMENTOUn munumento a chi? ...Ao professô? ...No, no... o munumento, son mi. Quarant'anni fâ... ben, femmo trenta... Femmo trenteçinque e no ne parlemmo ciù, a Zêna han scoverto Gilberto Govi... Anche mi, comme o mae âvo, aveivo inventou quarcosa: o Tiatro Zeneize... Tiatro che ho portou in gïo pe-o mondo... Anzi, posso dî che l'ho portôu anche all'âtro mondo: in America... in Argentinn-a; e n'ho un tale ricordo che, ogni anno, me vegnieiva o bolitigo de riturnâghe. Me raccomando, non lo dite a mia moglie, perché lê, se-a savesse de sto mae bolitigo, a me dieiva: «vegni chi che te gratto, coscì o bolitigo o te passa». Ghe vêu paziensa: mia moglie è vecchia! A l'ha dex'anni meno de mi. E RITORNIAMO AL MONUMENTOTrenteçinque anni fa, dunque, l'é staeto scoverto: Govi, l'attore, o Tiatro Zeneize... ciamemmolo: «monumento». Con o passâ di anni, anche de cose ciù belle e ciù importanti se finisce sempre con fâghe l'abitudine, e se finisce sempre che no se ghe fa ciù caxo; e coscì l'éa sûccesso do... monumento Govi: tutti passavan... ammiavan... «eh, scì, o l'é bello», e repiggiavan o cammin... passava anche quarche can... o giâva un pô a testa... o tiava sciù un'oegia... una gamba, e o passava! ... PASSA ANCHE LA TELEVISIONENasce la televisione; a passa, a vedde a faccia de quello monumento, e a dixe: «Però! ...». E, faxendose forza de so poscibilitaê, tra le quali, quella de infiâse in te tutti i canti, servindoçe, (simpaticissima pettegola), da libertaè de spantegâ per tutta l'Italia quello che lê a scrêuve de interessante, ecco che a te scrêuve Gilberto Govi, monumento che, trenteçinque anni fà, o l'ea zà staeto scoverto! Ed ecco resa - ancora più popolare quella faccia! ...La mia! A VALIXE... NASELLO!E, a propoxito de popolaritaè, aôa ve ne conto unn-a: meixi fà, arrivo, in treno, a Napoli. A staziôn, te porzo a valixe fêua do barconetto. O facchin, (devo di: o camallo?) e va ben: o camallo, o fà pe piggiâ a valixe, ma o s'afferma, o m'accianta lì con a valixe appeisa fêua do barconetto, e o s'incanta a fissâme: «Ebben?»... Quello o me fissa ancon, e poi o fà: « Ma chill-è Gove?! ...». O se gïa ai so compagni, za careghi de valixe, e o ripete: «Ma..., ma chill'è Gove?! ...». I âtri camalli se ferman... se scaregan de valixe che aveivan zà caregôu, e s'incantan anche loro a fissâme. E mi sempre lì con a valixe appeisa fêua do barconetto... A valixe a me pesava, e alloa, con o ciù bello di mae sorrisi ghe diggo: «Scì, scì, son GOVE, ma... nasello, a valixe pé piaxei...». E sciortimmo, finalmente, dä staziôn; o camallo, mi, a valixe e na borsa... Ghe daggo duxento lïe... Quello, o l'allarga e braççe, e, senza nemmeno vedde quante g'aveivo misso in mann, o me fà: «Eccellenza... c'è l'aumendo...». « Che aumento?...». «Il sussidio invernale...». Era il quindici d'Agosto! Questo per dire della popolarità che ti dà la T.V. Quelli camalli, ao tiatro no m'aveivan visto, garantîo! ANCHE LA VACCADoppo quarche giornâ passâ a Napoli, (no gh'è ninte da dî, Napoli a se sta faxendo ûnn-a gran çittaè) me fasso o ritorno, a Zêna, in macchina. Cose t'ho visto de antenne da televixon... Paisetti con due o tre case, ma g'hêa a sa brava antenna... casette che parevano abbandonate... mêze rotte, ma a televixon a no mancava... in mêzo a un campo, semenou a patatte: 'na casetta de un cian con dui barconetti, ciù un fienile che 'na casetta, sotto, un volton con drento una vacca, ma, in sciü teito, brillâva l'antenna da televixon! A macchina a camminava, e mi pensavo: Ma, alloa... anche quella vacca, a conosce GILBERTO GOVI[ Inderrê ] |
