|
SUCCESSO DO CONVEGNO DE COMUNICAZIOINA Palasso San Zorzo, da-o 7 a-o 12 ottobre, s'è tegnûo o 6° Convegno internazionale de comunicaziôin ch'ô l'ha visto unn-a larga partecipaziôn de tecnici e studiosi de tûuto o mondo. All'inauguraziôn ha parlôu o Scindico Pertûsio e ö senatô Corbellini mentre o professô Francesco Giordani o l'ha tegnûo unn-a proluxôn. In t'o maeximo giorno o l'ha svolto o tema de stradde l'inzegnê Aldo Fraschetti, direttô de l'ANAS. E atre giornae son staete occupae da e relassioin de F. Q. Hollander, de l'inzegnê Fassio, de H. Steuch, de Johan Luymes, do prof. Algeri Marino, de C. L. Warner. O discorso do prescidente Corbellini o l'ha serrôu o Convegno. A seia do 12 ottobre son staeti consegnae i Premmi de Comunicaziôin, do Violin, do Sport e di Radioamatôi. O Scindico o l'ha mandôu a sò parolla ai Liguri sparsci in to mondo.
SEMPRE ATTIVO L'ISTITÛTO DE STUDI LIGURISostegnûo e dirêtto da o professô Nino Lamboglia, l'Istituto Internazionale de Studi Liguri, ch'o l'ha sede a Bordighea, in t'o Museo Bicknell, o continua a sò encomiabile attivitae de studio e de diffuxion do dialetto zeneize. In occaxion do vintiçinqueximo anniversaio da fondaziôn da Societae Storico-Archeologica Ingauna, da a quae l'è derivôu poi l'Istituto, i studiosi da storia e de origini da nostra gente, se son riunii pe trattâ di argomenti relativi a Albenga e a sò appartenenza ao Municipio Romano. L'Istituto Internazionale de Studi Liguri, ch'o cura a pûbblicaziôn da «Rivista
Ingauna e Intemelia» o l'ha faeto stampâ, pe-a serie «Studi Genuensi», un libbro in
sciö dialetto zeneize, scrito da-o scomparso ommo de studi Gian Carlo Ageno. In te
st'opera, profonda ma comprenscibile a tutti, se parla, fra 1'âtro, de differenze
de grafia tra o zeneize e o dialetto de rivêa ch'o segna l' [ Inderrê ] |
