L'é 'na mattinn-a ciaea,
sta pe spuntâ o sô.
'Na voxe, ûn crïo contento
se ïsa dall'amiadô.

"Arriva o poae!
Oh, gente, vegnî in çimma a chì!
Moae, se vedde o barco
co-e veie de bûgâ!
Vegnî! Evviva, scialla!
Arriva o mae papà".

E a barca co-e veie gianche
cianin a vegne in sa;
poi a l'intra in porto:
se veddan ammainâ
e veie cö da neive
e poi, tosto a-a calâ,
l'ancoa a l'ïsa ûn sprusso
cazzendo zû in mâ.
Gh'é ûn gran remescio a bòrdo:
chi mette a posto e çimme,
chi e stive arve de sprescia
pe andâ zû in sciö paggieu.
Son fïto preparae
e rae pe-e braghae.
Vegne di camalli
co-e coffe e o scösalin.
Tutti se dan da fâ
pe-o barco scaregâ.
L'é festa pe tûtti quanti:
gh'"e lauu pe chi sta a taera,
riposo a bordo pe-o tanto navegâ
e gran festa pe-o garsonnetto
ch'o l'abbrassa o seu papà.

Antonio Fioravanti