RECLAM IN SCE L’AUTOSTRADDA

In sce l'A7
tra Milan e Zena,
a ûn çerto punto
vegnindo zû pe-i Zovi,
'na votta,
primma de 'na cûrva,
pe-a pubbliçitae
gh'ëa ûn cartello: bello.
O l'ëa coloròu tipo
Christian Dior.
A l'ëa 'na reclamme
simpatica, beseugna dî:
"Non correre, prudenza,
arrivi sempre in tempo
da SPIGO & PASTORINO".
(Noi siamo sempre qui).
Me pä no segge o caxo
de stâmene chì a dî
che strissa se piggiava
chi lezzeiva e passava!
De sprescia o çercava
'na scaramansia.
Poi, a via
doppo quell'euggiâ,
o repiggiava calmo
e o se gh'appensava
mentre 'na regolâ
cäi scignori,
o se a dava!

Antonio Fioravanti