VIOLIN PE UN MILIARDO Ä MOSTRA DE PEGI

Da-o 6 a-o 31 settembre ä «Villa Rêuza» de Pëgi, gh'è staeto a seconda mostra dô violin antigo e moderno che, in traë grandi sale, a l'ha esposto duxento strumenti, tra i mëgio in te tutti i tempi, segge pe costruziôn che pe valore d'antighitae.

Tra i ciù celebri gh'ea o «Guarnieri do Gesù» ch'ö sonnava Nicolò Paganini e o «Stradivarius» ch'o l'ea staeto in man ä famosa violinista Teresina Tua. In ta rassegna gh'ea anche presiozi tòcchi de Amati, Guadagnini, Bergonzi e de atri fabbricanti de famma. Fra tutto se parlava de ûn miliardo de valore.