zeneise@francobampi.it
 

Intrâ > A léngoa > Coscì coscì, ben ben no guaei > Bordighëa
[ Inderrê ]

[ Arasci ] [ Bordighëa ] [ Camoggi ] [ Casarsa ] [ Magon ] [ Milleximo ] [ Montäto ] [ Neuve ] [ Nöi ] [ Preboggion ] [ San Pê d'Aenn-a ] [ Savonn-a ] [ Väze ]

In ta provinsa de Imperia gh'é Bordighëa çittae de parme, di ulivi e eucalipti, çetroin e i limoin, mortin , bananni e belledonne .

Gh'é da creddighe?

Ûn giorno, no se sa ben quande, so' arrivae i predoin da-o mâ, Han piggiòu taera in ta costa da Rivëa de Ponente tra Vintimiggia e San Remmo. E lì, doppo avei sacchezzòu e brûxòu ûn mûggio de case, han rapïo e ciû belle figge do posto e l'han portae a bordo de navi insemme a tûtti quelli zoenotti che aveivan çercòu de opponnise a quelli brûttoî .

In ta nottuann-a, doppo a cattûa, i mascci tanto han faeto, tanto han bregòu, che so' arriescïi a fâ scappâ da-a nave tûtte e figgie che, a neuo, son tornae in sciä riva. Quande all'indoman o capitannio da nave pirata o s'é accorto che e figgie ëan sparïe, o l'é anaeto feua de testa. O l'ha faeto inversâ a nave comme 'na cäsetta, o l'ha çercòu in ti recanti e in ti rebighi, o l'ha interrogòu i mainae e, pe costrinze i zeonotti prexonê a parlâ, ho gh'ha faeto dâ ûn mûggio de scuriattae . «Dove so' e donne?» o ghe sbraggiava comme ûn matto. E i prexonê, a-a fin, pe dî quarcösa, ripeteivan: «A bordo i gh'ëan, a bordo i gh'ëan». No 'na parolla de ciû. Da quella risposta o tòcco de taera dove e figgie, a neuo, aveivan attrovòu sarvamento o se saieiva ciammòu Bordighëa.

Piggiòu da Divo Gori, Dario G. Martini, La Liguria e la sua anima,
4a edizione, Sabatelli, Savona, 1967 p. 87-88.