|
Savonn-a: chì a Zena ghe dimmo coscì, ma quelli de Savonn-a a ciamman Sann-a.
Gh'é da creddighe?Doppo avei sconfitto Cartagine vinsendo a Zama in to 202 a. C., Romma a vegne in aggiûtto a-e gente da Ligûria che gh'han daeto 'na man. Savonn-a a paga l'ospitalitae daeta a-o frae d'Annibale, o Magon. A tradission a veu che Savonn-a a segge staeta fondä da 'n capitannio do Nord d'Africa de nomme Priamar, mandòu in Ligûria da-i Cartagineixi con l'incarego de stabilî 'na base navale pe combatte Romma. Battûo e ammassòu da-i guerrezzê de Romma, o Priamar o vegne vendicòu da 'n ätro cartagineise de nomme Sago. Sago o riconquista a base navale, o a fâ ciû grande e o ghe dà o seu nomme. Pe mëgio difendila, o tiâ sciû 'na fortessa sovia ûn scheuggio in sciä riva do mâ. Ma Romma a l'intervegne torna: a batte anche o Sago, a piggiâ a fortessa e a ghe cacciâ zû e tôri. No contenta, a veu che a-a çittae a no l'agge ciû o nomme de 'n ommo; coscì a decidde de ciammâla "Sagona", pe desprexâ i nemixi sconfitti con ûn nomme da figgia. E da chì o nomme de Savonn-a. Piggiòu da Divo Gori, Dario G. Martini, La Liguria e la sua
anima, |
