|
Nöi
Gh'é da creddighe?Se conta che o Segnô, mentre o viägiava pe-a Rivëa de Ponente, o s'atteuvesse all'ôa de dovei dormî propio dove òua gh'é Nöi. O posto o l'ëa ûn deserto: da-a spiägia a-i monti no gh'ëa né case né cabanne. A questo punto beseugna savei che in ti posti dove o Segnô o se metteiva a dormî, lì nasceiva 'na çittae. Ëa i angei che, mentre davan a mente a-o seunno do Segnô, favan nasce e çittae. Ûn pö comme i strionezzi di maghi ò i capriçi di diai favan nasce cattedrali gotiche, castelli e ponti belli erti in scï sciûmmi. Propio perché o saiva sto faeto, San Pê o s'é ammiòu in gïo e o l'ha pensòu che quella spiägia, coscì streita tra duî promontöi, a no fise adatta pe 'na çittae. Allôa o va da-o Segnô e o ghe dixe: «Domine, noli facere», che in zeneise veu dî "Segnô, no stâlo a fâ". «E perché?» o ghe risponde o Meistro, mentre o s'accoegava doppo avei cëgòu o mantello pe fâne 'n oëgê. «Se o scito o l'é streito veu dî che ghe saiä meno posto pe-i peccoei. O Pëo, mi m'addormo chì e a çittae, in memöia da teu poca fede, a portiä o nomme de Noli». Doppo avei dîto queste parolle, o l'ha daeto a seu benedission a-o mâ, ch'o s'é impïo de pesci, o l'ha pösòu a testa in sce l'oëgê e o s'é addormïo. Piggiòu da Divo Gori, Dario G. Martini, La Liguria e la sua
anima, |
, in provinsa de Savonn-a, a l'é sempre
staeta indipendente, ma fedele a-a Repûbblica de Zena. Repûbblica lê ascì,
l'ëa pe sto motivo ciammä "fidelissima repubblica".