|
Avei o magon, ëse ammagonòu. Chi l'é ch'o no l'ha mai deuviòu questa parolla? E chi, quarche votta, o no l'ha avûo, o magon?
Gh'é da creddighe?Cartagine contra Romma. In to 205 a. C. Cartagine a deve intevegnî pe dâ 'na man all'Annibale. Allôa a l'ordina a-o Magon, ûn frae d'Annibale, de partî da-e Baleari d'andâ a fâ ûn pö de guaera in Italia. E, de sorpreisa, o Magon o se presenta co-e seu navi davanti a Zena e o sbarca. Pe Zena no gh'é ninte da fâ: lê o a sacchezza, o ghe da feugo, o no lascia in pê manco 'na pria! I vëgi contan che a distrûssion a segge staeta coscì tremenda che se n'ha ancon memöia in ta lengua zeneise. De faeti "avei o magon" veu propio dî avei ûn gruppo in ta gôa pe 'n grande dispiaxei. Piggiòu da Divo Gori, Dario G. Martini, La Liguria e la sua
anima, |
