O zeneise: a lengua de vocali

Chi parla o zeneise o sa 'na cösa: che o zeneise o l'é a lengua de vocali. Quaexi tûtte e difficoltae nascian da-e vocali: comme van pronunçiae, comme van scrïte e comme van lezûe. Chì çerchiö de mostrâ quae son e regole che deuvio mi pe scrive o zeneise; pe ëse ciû ciaeo, no me importa de ripete a maexima cösa in diversi posti.

Osservassioin.

	Se occöre, faiö riferimento all'italian invece che a-o latin (anche o Casassa o l'ha faeto coscì).
	Quande scrivo "in generale", "de solito" e via discorrindo, veu dî che a regola a presenta de eccessioin.
	Se vixin a 'na parolla gh'é a balletta allôa andandoghe addosso co-a freccia do "mouse" se peu lëze a tradussion in italian de quella parolla.

[ E vocali ] [ Accenti e ätri segni ] [ Tûtto, ò quaexi, in scï accenti ] [ E consonanti ] [ E ûrtime cöse ] [ Dall'italian a-o zeneise ]